Leximi i
parë: Zanafilla 17:3-9
Psalm: Psalm
105:4-9
UNGJILLI: Gjoni
8:51-59
Leximi i
parë: Zanafilla 17:3-9
3 Abrami
ra me fytyrë përdhe.
4 Dhe
Hyji i tha: “Ja, marrëveshja ime me ty: Do të bëhesh trungu i popujve të
shumtë.
5 Nuk do
ta kesh më emrin Abram, por emri yt do të jetë Abraham, sepse të bëra babë të
shumë kombeve.
6 Do të
bëj të shtohesh shumë, tejet shumë, prej teje do të bëj të rrjedhin popuj, dhe
prej teje do të lindin mbretër.
7 Do të
bëj besëlidhje me ty ndërmjet meje e teje, dhe pas teje me breznitë që do të
rrjedhin prej teje. Kjo besëlidhje e përhershme mua do të më bëjë Hyjin tënd dhe
Hyjin e pasardhësve të tu pas teje.
8 Ty dhe
pasardhësve të tu pas teje, do t’ua jap tokën e çojeve të tua, mbarë dheun e
Kanaanit, pronë të përhershme. Dhe unë do të jem Hyji i tyre”.
9 Hyji i
tha përsëri Abrahamit: “Ti duhet ta ruash besëlidhjen time, po ashtu edhe
pasardhësit e tu brez pas brezit.
Psalm: Psalm
105:4-9
4 Kërkojeni Zotin dhe fuqinë e tij, kërkojeni gjithmonë fytyrën e
tij!
5 T’ju bien në mend mrekullitë që bëri, mrekullitë e tija dhe
gjyqet e gojës së tij:
6 ju fara e Abrahamit, shërbëtorët e tij, ju, o bijtë e Jakobit,
të zgjedhurit e tij!
7 Ai është Zoti, Hyji ynë, mbi mbarë tokën gjyqet e tija!
8 Ai s’e harron Besëlidhjen e vet askurrë, premtimin që ua bëri
një mijë breznive,
9 lidhjen që e bëri me Abrahamin dhe përbetimin që i bëri Izakut.
UNGJILLI: Gjoni
8:51-59
51 Përnjëmend, përnjëmend po ju them: ai që e zbaton fjalën time,
askurrë s’do ta shohë vdekjen”
52 [Atëherë] judenjtë i thanë: “Tani po shohim qartë se je i
djallosur. Abrahami vdiq e vdiqën edhe profetët, e ti thua: Ai që zbaton fjalën
time, askurrë s’do ta shohë vdekjen.’
53 A mos je ti më i madh se Ati ynë Abrahami, i cili vdiq? Po edhe profetët vdiqën. Kush
kujton se je?”
54 Jezusi u përgjigj: “Nëse unë e lavdëroj vetveten, lavdi im
është asgjë; ka kush më lavdëron - im Atë, për të cilin
ju thoni: ‘është Hyji ynë’,
55 por ju nuk e njohët, përkundrazi unë e njoh. Po
t’ju thoja se nuk e njoh,
do të isha gënjeshtar si ju. Por unë e njoh dhe e mbaj fjalën e
tij.
56 Abrahami, ati juaj, galdoi në shpirt nga dëshira për ta parë
Ditën time.
E pa dhe u gëzua.”
57 Atëherë judenjtë i thanë: “Ende nuk je as pesëdhjetë vjeç dhe e
pe Abrahamin!”
58 Jezusi u përgjigj: “Përnjëmend, përnjëmend po ju them: përpara se të ishte Abrahami, UNË JAM!”
59 Atëherë kapën gurë për ta gjuajtur, por Jezusi u fsheh dhe doli
prej Tempullit.
“Nëse njerëzit do të bënin për Zotin atë që bëjnë për botën, njerëzit
e mi të dashur, sa shumë Kristjanë do të shkonin në Qiell! Por nëse ju fëmijët
e mi të dashur, do të kalonit 3 ose 4 orë duke u lutur në një Kishë, ashtu si i
kaloni ato në një vallëzim apo në një kabare, sa e rëndë do t'ju peshonte bota
mbi ju.”
-- Shën Gjon Viannei
