Leximi i
parë: Jeremia 11:18-20
Psalm: Psalm
7:2-3, 9-12
UNGJILLI: Gjoni
7:40-53
Leximi i
parë: Jeremia 11:18-20
18. Zoti ma bëri të ditur dhe unë e mësova; atëherë ti më tregove
veprimet e tyre.
19. Unë isha si një qengj i butë që e çojnë në thertore dhe nuk
dija që kurdisnin intriga kundër meje, duke thënë: "Të shkatërrojmë drurin
bashkë me frytin e tij dhe ta zhdukim nga toka e të gjallëve, me qëllim që emri
i tij të mos kujtohet më".
20. Por, o Zot i ushtrive, gjykatës i drejtë, që shqyrton mendjen
dhe zemrën, tregomë hakmarrjen tënde mbi ta, sepse unë të bëra të njohur
çështjen time.
Psalm: Psalm 7:2-3, 9-12
2. që armiku të mos e shqyejë shpirtin tim si një luan, duke
copëtuar pa mundur njeri të më çlirojë.
3. O Zot, Perëndia im, në rast se e kam bërë këtë, në qoftë se ka
ligësi në duart e mia,
9. Jepi fund ligësisë së njerëzve të këqij, por vendos njeriun e
drejtë, sepse ti je Perëndia i drejtë, që provon zemrat dhe mendjet.
10. Mburoja ime është te Perëndia, që shpëton ata që janë të
drejtë nga zemra.
11. Perëndia është një gjykatës i drejtë dhe një Perëndi që
zemërohet çdo ditë me keqbërësit.
12. Në qoftë se keqbërësi nuk ndryshon, ai do të mprehë shpatën e
tij; e ka shtrirë harkun e tij dhe e ka përgatitur.
UNGJILLI: Gjoni 7:40-53
40. Shumë veta nga turma, kur i dëgjuan këto fjalë, thoshnin: ``Ky
është me të vërtetë Profeti!``.
41. Të tjerë thoshnin: ``Ky është Krishti``. Kurse të tjerë
thoshnin: ``Vallë nga Galilea vjen Krishti?
42. A nuk thotë Shkrimi se Krishti vjen nga pasardhja e Davidit
dhe nga Bethlehemi, fshati ku jetonte Davidi?``.
43. Kështu pati përçarje në turmë për shkak të tij.
44. Dhe disa prej tyre donin ta kapnin, por askush nuk vuri dorë
mbi të.
45. Atëherë rojet u kthyen te krerët e priftërinjve dhe te
farisenjtë, dhe këta u thanë atyre: ``Pse nuk e sollët?``.
46. Rojet u përgjigjen: ``Asnjeri nuk ka folur kurrë si ai
njeri``.
47. Prandaj farisenjtë iu përgjigjën atyre: ``Mos u gënjyet edhe
ju?
48. Mos vallë ndonjë nga krerët ose nga farisenjtë besoi në të?
49. Por kjo turmë, që nuk e njeh ligjin, është e mallkuar``.
50. Nikodemi, një prej tyre, i cili natën kishte shkuar te Jezusi,
u tha atyre:
51. ``Ligji ynë dënon vallë një njeri para se ta ketë dëgjuar dhe
ta dijë ç`ka bërë ai?``.
52. Ata u përgjigjën dhe i thanë: ``Mos je edhe ti nga Galilea?
Hulumto Shkrimet dhe do të shohësh se nga Galilea s`ka dalë kurrë profet``.
53. Dhe secili u kthye në shtëpinë e vet.
Zoti im dhe Hyji im, hiq nga unë gjithçka që më largon nga Ty.
Zoti im dhe Hyji im, më jep gjithçka që më afron më pranë tek Ty.
Zoti im dhe Hyji im, më shkëput nga vetvetja për të dhënë gjithçka
timen tek Ty.
-- nga Shën. Nikolas i Flüe
