Leximi i parë: Jona 3:1-10
Psalm: Psalm 51:3-4, 12-13, 18-19
UNGJILLI: LUKA 11:29-32
Leximi i parë: Jona 3:1-10
1 Fjala e Zotit i qe drejtuar Jonës të
dytën herë. I tha:
2 “Çohu, shko në qytetin e madh të Ninivës e kumtoju sa do të të them unë!”
3 Jona u ngrit e shkoi në Ninivë sipas urdhrit të Zotit.
4 Jona kaloi nëpër qytet një ditë udhë. Predikoi kështu: “Edhe dyzet ditë e Niniva do të rroposet!”
5 Ninivasit besuan në Hyjin. Shpallën agjërim e u veshën me grathore prej më të madhit e deri në më të voglin.
6 I arriti lajmi edhe mbretit të Ninivës. U çua nga froni i vet, i hoqi petkat e veta, u vesh me thes e u ul në pluhur.
7 Atëherë shpallën në Ninivë me urdhër të mbretit e të të mëdhenjve të tij: “Njerëz e kafshë, të mëdha e të imëta, të mos kërkojnë gjë me gojë, as të mos kullotin, as ujë të mos pinë.
8 Njerëz e kafshë le të mbulohen me thasë e Hyji le të thirret në ndihmë me të gjitha fuqitë. Secili njeri le të kthehet nga sjellja e vet e mbrapshtë e nga dhuna që bën.
9
10 Hyji i pa veprat e tyre: kishin hequr dorë nga sjellja e tyre e keqe. Kështu Hyjit i erdhi keq për të keqen, me të cilën i kishte kërcënuar se do t’ua çojë dhe nuk ua çoi.
Psalm: Psalm 51:3-4, 12-13, 18-19
3 Sepse e pranoj paudhësinë time:
mëkatin tim përherë e kam para sysh.
4 Ty, vetëm ty të kam rënë në faj
dhe kam bërë ç’është keq para teje,
prandaj je i drejtë sado të më
ndëshkosh,
dhe i paanshëm në dënimin tënd.
12 Ma kthe gëzimin e shpëtimit tënd,
dhe më forco me shpirt të gatshëm.
13 E unë do t’ua mësoj mëkatarëve udhën e shëlbimit
e fajtorët do të kthehen tek ti.
18 Pashë mirësinë tënde, o Zot, bëji mirë Sionit,
ndreqi përsëri muret e Jerusalemit.
19 Atëherë do t’i pranosh flitë e drejtësisë,
flitë e shkrumbimit e të gjitha
kushtet,
atëherë do të mund të kushtohen mëzetër
mbi lterin tënd.
UNGJILLI: LUKA 11:29-32
Të dijshmit kërkojnë një shenjë
(Mt 12, 38‑42; Mk 8, 12)
29 Pasi populli shkonte gjithnjë duke u bashkuar ai filloi të flasë:
“Kjo brezni është brezni e keqe: po
kërkon një shenjë! Porse nuk do t’i jepet shenjë tjetër, përveç shenjës së
Jonës.
30 Sikurse Jona u bë shenjë për ninivitët, ashtu edhe Biri i njeriut do të jetë shenjë për këtë brezni.
30 Sikurse Jona u bë shenjë për ninivitët, ashtu edhe Biri i njeriut do të jetë shenjë për këtë brezni.
31 Mbretëresha e Jugut ditën e Gjyqit do të ngrihet bashkë me njerëzit e kësaj breznie dhe do t’i dënojë, sepse ajo erdhi nga skaji i dheut për të dëgjuar urtinë e Salomonit. Dhe, ja, këtu është Dikush më i madh se Salomoni!
32 Njerëzit e Ninivës, ditën e Gjyqit, do të ngrihen bashkë me këtë brezni dhe do ta dënojnë, sepse u kthyen me predikimin e Jonës, dhe, ja, këtu Dikush më i madh se Jona!”
Kur Zoti na urdhëroi të
jemi vigjëlentë, Ai e kishte fjalën për vigjëlencë në të dyja pjesët e njeriut:
në trup, kundër tendencës për të fjetur; në shpirt, kundër përtacicë dhe
ndrojtjes. Ashtu si thotë Shkrimi: Zgjohuni, ju të drejtë, dhe Unë jam
ngjallur, dhe jam përsëri me ju; dhe përsëri, Mos u dëshpëroni.
-- Shën Efrem