Leximi i parë: Ezekieli 18:21-28
Psalm: Psalm 130:1-8
UNGJILLI: MATEU 5:20-26
Leximi i parë: Ezekieli 18:21-28
21 Por, në qoftë se i paudhi pendohet për
të gjitha mëkatet e veta që i ka bërë dhe i mban të gjitha urdhërimet e mia, e
bën të drejtën e drejtësinë, po, do të jetojë, nuk do të vdesë!
22 Asnjë prej mëkateve të tij që ka bërë nuk do t’i kujtohet; do të jetojë në saje të drejtësisë që bën.
23 Vallë, a thua i kënaqem vdekjes së mëkatarit ‑ është fjala e Zotit Hyj ‑ e jo që të kthehet nga sjellja e vet e të jetojë?
22 Asnjë prej mëkateve të tij që ka bërë nuk do t’i kujtohet; do të jetojë në saje të drejtësisë që bën.
23 Vallë, a thua i kënaqem vdekjes së mëkatarit ‑ është fjala e Zotit Hyj ‑ e jo që të kthehet nga sjellja e vet e të jetojë?
24 Por, në qoftë se i drejti largohet nga drejtësia e vet dhe bën padrejtësinë e të gjitha turpësitë që i bën i patenzoni, vallë a do të jetojë? Asnjë prej drejtësive të tij që i ka bërë, nuk do t’i merren parasysh; për shkak të pabesisë së vet me të cilën e theu besën e të mëkatit që e bëri, në to do të vdesë.
25 Ju thatë: ‘Nuk është e drejtë udha e Zotit’. Dëgjoni, pra, shtëpia e Izraelit: A thua mënyra e sjelljes sime vërtet s’është e mirë?
26 Sepse, kur i drejti e lë drejtësinë e vet e bën padrejtësinë, ai do të vdesë: për shkak të padrejtësisë që bëri, do të vdesë.
27 E kur i paudhi kthehet prej paudhësisë së vet që e ka bërë, e bën të drejtën e drejtësinë, ai ia kthen jetën vetvetes:
28 ai pleqëron imët dhe kthehet nga të gjitha padrejtësitë që i ka bërë, këndej do të jetojë e, jo, nuk do të vdesë.
Psalm: Psalm 130:1-8
Shpresa në Zotin
1 Këngë shtegtimi.
Prej humnerës klitha tek ti, o Zot,
2 o Zot, dëgjoje britmën time!
Le ta dëgjojnë veshët e tu,
zërin e lutjes sime.
3 Nëse do t’i mbash mend paudhësitë, o Zot,
O Zot, e kush do të qëndrojë para teje?
4 Por tek ti gjendet falja
që të dimë të të druajmë.
5 Shpresoj në ty, o Zot,
shpirti im shpreson në premtimin e tij.
E pret
6 shpirti im Zotin
6 shpirti im Zotin
më tepër se rojtarët agimin.
Më tepër se rojtarët agimin
7 le të shpresojë Izraeli në Zotin,
sepse te Zoti është mëshira
dhe i madh është tek Ai shpërblimi.
8 Ai do ta nxjerrë Izraelin
prej të gjitha paudhësive të tija.
UNGJILLI: MATEU 5:20-26
20 Sepse, unë po ju them: nëse drejtësia
juaj nuk do të jetë më e madhe se drejtësia e skribëve dhe e farisenjve, nuk do
të hyni në Mbretërinë e qiellit.”
Zemërimi
21 “Keni dëgjuar se u qe thënë të vjetërve: ‘Mos vra!’
22 E unë po ju them: Kushdo zemërohet kundër vëllait të vet, do të jetë përgjegjës para gjyqit; e kush t’i thotë vëllait të vet: ‘Budalla’, do të jetë përgjegjës para Sinedrit; kush t’i thotë: ‘I marrë’, do të përgjigjet në zjarrin e ferrit.
23 Pra, nëse e sjell dhuratën tënde për ta kushtuar në lter e aty të bie në mend se yt vëlla ka diçka kundër teje,
24 lëre dhuratën tënde aty para lterit, shko e pajtohu më parë me vëllain tënd e pastaj eja e kushtoje dhuratën tënde!
25 Rregullohu shpejt me kundështarin tënd sa të jesh ende në udhëtim me të, që kundërshtari të mos të të dorëzojë te gjykatësi e ky te rojtari i gjyqit, që të mos të ndryejnë në burg.
26 Për të vërtetë po të them: s’do të dalësh prej andej para se ta paguash edhe paranë më të fundit.”
Arma më e fuqishme për të mundur Djallin është përulësia.
Sepse ai nuk e di fare se si ta përdori atë, dhe as nuk di se si të mbrohet
prej saj.
-- Shën Vincent de Paul