Leximi i parë: 1 e Mbretërve 19:16, 19-21
Psalm: Psalm 16:1-2, 5, 7-11
Leximi i dytë: Galatasve 5:1, 13-18
UNGJILLI: Luka 9:51-62
Leximi i parë: 1 e Mbretërve 19:16, 19-21
16. Do të vajosësh
gjithashtu Jehun, birin e Nimshit, mbret të Izraelit; do të vajosësh pastaj
Eliseun, birin e Shafatit nga Abel-Melohahu, si profet në vendin tënd.
19. Elia u nis
20. Atëherë Eliseu la qetë
dhe vrapoi pas Elias, duke thënë: "Të lutem, më lër të shkoj të puth atin
tim dhe nënen time, pastaj do të të ndjek". Elia iu përgjigj: "Shko
dhe kthehu, sepse ç`të kam bërë?".
21. Me t`u larguar nga ai,
Eliseu mori një pendë qe dhe i ofroi si flijim; me veglat e qeve poqi mishin
dhe ua dhe njerëzve, që e hëngrën. Pastaj u ngrit, shkoi pas Elias dhe u vu në
shërbim të tij.
Psalm: Psalm 16:1-2, 5, 7-11
1. Më mbro, o Perëndi,
sepse unë po kërkoj strehë te ti.
2. I thashë Zotit:
"Ti je Zoti im; nuk kam asnjë të mirë veç teje".
5. Zoti është pjesa ime
nga trashëgimia dhe kupa ime; ti, o Zot, ruaje fort atë që më ka rënë në short.
7. Unë do të bekoj Zotin
që më këshillon; zemra ime më mëson edhe natën.
8. Unë e kam vënë
vazhdimisht Zotin përpara syve të mi; duke qenë se ai rri në të djathtën time,
unë nuk do të hiqem kurrë nga vendi.
9. Prandaj zemra ime
gëzohet dhe shpirti im ngazëllon për lavdinë e trashëgimisë sime; edhe mishi im
do të qëndrojë tërë besim dhe në siguri,
10. sepse ti nuk do ta
lësh shpirtin tim në Sheol dhe nuk do të lejosh që i Shenjti yt të shohë
korruptimin.
11. Ti do të më tregosh
shtegun e jetës; ka shumë gëzim në praninë tënde; në të djathtën tënde ka
kënaqësi në përjetësi.
Leximi i dytë: Galatasve 5:1, 13-18
1. Qëndroni, pra, të
patundur në lirinë, me të cilën Krishti na liroi, dhe mos hyni përsëri nën
zgjedhën e skllavërisë.
13. Sepse ju, o vëllezër,
u thirrët në liri; por mos e përdorni këtë liri si një rast për mishin, por, me
dashuri t`i shërbeni njëri-tjetrit.
14. Sepse gjithë ligji
përmblidhet në këtë fjalë, të vetme: ``Duaje të afërmin tënd porsi vetveten!``.
15. Sepse nëse ju kafshoni
dhe hani njëri-tjetrin, ruhuni mos prisheni njëri nga tjetri.
16. Dhe unë them: Ecni
sipas Frymës dhe nuk do ta përmbushni dëshirat e mishit,
17. sepse mishi ka dëshira
kundër Frymës, dhe Fryma ka dëshira kundër mishit; dhe këto janë të kundërta me
njëra-tjetrën, që ju të mos bëni ato që dëshironi.
18. Por në qoftë se
udhëhiqeni nga Fryma, ju nuk jeni nën ligj.
UNGJILLI: Luka 9:51-62
51. Ndodhi që kur po
plotësohej koha që Jezusi duhej të ngrihej në qiell, ai vendosi prerazi të
shkojë në Jeruzalem,
52. dhe dërgoi përpara
lajmëtarët. Këta, si u nisën, hynë në një fshat të Samaritanëve, për t`i
përgatitur ardhjen.
53. Por ata të fshatit nuk
deshën ta pranonin, sepse ai ecte me fytyrë të drejtuar nga Jeruzalemi.
54. Kur e panë këtë gjë,
dishepujt e vet Jakobi dhe Gjoni thanë: ``Zot, a do ti që të themi të zbresë
zjarr nga qielli dhe t`i përvëlojë, ashtu si bëri edhe Elia?``.
55. Por ai u kthye nga ata
dhe i qortoi duke thënë: ``Ju nuk e dini nga cili frymë jeni;
56. sepse Biri i njeriut
nuk erdhi për të shkatërruar shpirtërat e njerëzve, po për t`i shpëtuar``.
Pastaj shkuan në një fshat tjetër.
57. Ndodhi që, ndërsa po
ecnin rrugës, dikush i tha: ``Zot, unë do të të ndjek kudo të shkosh``.
58. Por Jezusi i tha:
``Dhelprat kanë strofka dhe zogjtë e qiellit fole; kurse Biri i njeriut nuk ka
ku ta mbështesë kokën``.
59. Pastaj i tha një
tjetri: ``Ndiqmë!``. Por ai përgjigjej: ``Zot, më lejo më parë të shkoj e të
varros atin tim``.
60. Jezusi i tha: ``Lëri
të vdekurit t`i varrosin të vdekurit e vet; por ti shko dhe prediko mbretërinë
e Perëndisë``.
61. Akoma një tjetër i
tha: ``Zot, unë do të të ndjek ty, por më lejo më parë të ndahem me ata të
familjes sime``.
62. Jezusi i tha:
``Asnjëri që ka vënë dorë në parmendë dhe kthehet e shikon prapa, nuk është i
përshtatshëm për mbretërinë e Perëndisë``.
