Zgjedhja e të Dymbëdhjetëve

Leximi i pare: Hebrenjve 8:6-13

Psalmet 85:8, 10-14

Ungjilli: Marku 3:13-19

Leximi i pare: Hebrenjve 8:6-13

⁶Por tani Krishti, fitoi një shërbesë shumë më të shquar, sepse është ndërmjetësi i Besëlidhjes më të mirë, të themeluar mbi premtime më të mira. ⁷Po të kishte qenë me të vërtetë Besëlidhja e parë e patëmetë, nuk ishte dashur t’i bëhej vend tjetrës. ⁸Sepse, duke i prozhmuar, u thotë:

»Ja, po vijnë ditët - thotë Zoti - kur do të bëj me Shtëpinë e Izraelit dhe me shtëpinë e Judës një Besëlidhje të re. ⁹Jo më si Besëlidhja që pata bërë me etërit e tyre, kur i mora për dore për t’i nxjerrë nga toka e Egjiptit. Meqenëse ata nuk qëndruan besnikë ndaj Besëlidhjes sime, prandaj as vetë nuk u kujdesova për ta - thotë Zoti. ¹⁰Dhe ja, Besëlidhja të cilën do ta lidh me Shtëpinë e Izraelit pas këtyre ditëve - thotë Zoti: ligjet e mia do t’i thadroj në shpirtrat e tyre dhe do t’i zgavëroj me shkronja në zemrat e tyre. Unë do të jem Hyji i tyre kurse ata do të jenë populli im. ¹¹Askush nuk do ta mësojë bashkëqytetarin e vet, askush vëllain e vet duke thënë: ‘Njihe Zotin!’, sepse të gjithë do të më njohin, prej më të voglit e deri në më të madhin ndër ta, ¹²sepse do të kem mëshirë për fajet e tyre dhe s’do t’i kujtoj mëkatet e tyre«. ¹³Kur thotë »Të Renë« dëshmon se »E Para« është plakur; tashti, çka plaket e vjetrohet, është afër zhdukjes.

Psalmet 85:8, 10-14

⁸ Na e trego, o Zot, mëshirën tënde

e na jep shëlbimin tënd!

¹⁰ Shpëtimi i tij është afër atyre që e druajnë,

lavdia e tij do të banojë në vendin tonë.

¹¹ Mëshira dhe e vërteta do të përpiqen,

drejtësia e paqja do të merren ngrykë.

¹² E vërteta do të mbijë nga toka

e drejtësia do të shikojë prej qiellit.

¹³ Sepse Zoti ka për të dhënë çdo të mirë

edhe toka jonë do ta japë frytin e vet.

¹⁴ Drejtësia do t’i shkojë përpara

dhe do t’u tregojë udhën hapave të tij.

Ungjilli: Marku 3:13-19

Zgjedhja e të Dymbëdhjetëve

(Mt 10, 1‑4; Lk 6, 12‑16; Vap 1, 13)

¹³ Pastaj u ngjit në një mal e i thirri ata që deshi vetë. Ata shkuan tek ai. ¹⁴Dhe i emëroi të Dymbëdhjetët [të cilët edhe i quajti apostuj], që të jenë me të e t’i dërgojë të predikojnë, ¹⁵ e ta kenë pushtetin t’i dëbojnë djajtë. ¹⁶ [I emëroi, pra, të Dymbëdhjetët:] Simonin ‑ të cilit ia ngjiti emrin Pjetër, ¹⁷Jakobin, birin e Zebedeut, dhe Gjonin, vëllain e tij, që i quajti: Boanerges, që do të thotë: Bijtë e rrufesë; ¹⁸ pastaj Andreun, Filipin, Bartolomeun, Mateun, Tomën, Jakobin e Alfeut, Tadeun, Simonin Kananeas ¹⁹ dhe Judën Iskariot, i cili edhe e tradhtoi.

Jezusi zgjedh dymbëdhjetë Apostujt

1 e Korintasve 6:1-11

Psalm 149:1-6, 9

Luka 6:12-19

1 e Korintasve 6:1-11

¹ A do të guxojë ndokush prej jush, nëse ka ndonjë padi kundër ndonjë tjetri, të kërkojë të drejtën në gjyq para paganëve e jo para shenjtërve? 

²Po a nuk e dini se shenjtërit do ta gjykojnë botën? E, nëse ju do ta gjykoni botën, po a thua s’jeni të zotët t’i gjykoni gjërat më të vogla? 

³ Po a nuk e dini se do t’i gjykojmë edhe engjëjt e jo më gjërat e përditshme? 

⁴ E ju, kur keni ndonjë pleqësi për gjërat e përditshme, shkoni e më vini pleq disa që Kisha i mban për asgjë? 

⁵ Le t’ju vijë turp që më detyroni t’jua them këtë gjë! Kështu a? A thua nuk gjendet ndër ju asnjë i dijshëm, i cili do të mund të pleqëronte mes vëllezërve të vet? 

⁶ Por vëllai me vëlla paditet, madje para të pafeve?! 

⁷Po edhe vetë puna që paditeni me njëri-tjetrin është e metë për ju. Pse më mirë nuk e duroni padrejtësinë? Pse më mirë nuk duroni të plaçkiteni? 

⁸ Por, përkundrazi, ju vetë bëni padrejtësi dhe plaçkitni, e kë se? Vëllezërit! 

⁹ A thua nuk e dini se ata që bëjnë padrejtësi nuk do të kenë pjesë në Mbretërinë e Hyjit? Mos u tradhtoni! As fëlligështarët, as idhujtarët, as kurorëthyesit, as homoseksualët e çdo lloji, 

¹⁰ as vjedhësit, as pijanecët, as shpërralluesit, as cubat nuk do të kenë pjesë në Mbretërinë e Hyjit. ¹¹ Pra, të tillë ishit disa, por u latë, por u shenjtëruat, por e fituat shfajësimin në saje të Emrit të Jezu Krishtit Zot dhe të Shpirtit të Hyjit tonë.

Psalm 149:1-6, 9

^1. Aleluja. Këndojini Zotit një këngë të re, këndoni lavdinë e tij në kuvendin e shenjtorëve.

^2. Le të ngazëllohet Izraeli tek ai që e ka bërë, le të ngazëllohen bijtë e Sionit te Mbreti i tyre.

^3. Le të lëvdojnë emrin e tij me valle, të këndojnë lavdet e tij me dajre dhe me qeste,

^4. sepse Zoti kënaqet me popullin e tij; ai i kurorëzon me shpëtim njerëzit e përulur.

^5. Le të ngazëllohen shenjtorët në lavdi, le të këndojnë nga gëzimi mbi shtretërit e tyre.

^6. Le të kenë në gojën e tyre lavdet e Perëndisë dhe në dorën e tyre një shpatë që pret nga të dy anët;

9. për të zbatuar mbi ta gjykimin e shkruar. Ky është nderi që u rezervohet mbarë shenjtorëve të tij. Aleluja.

Luka 6:12-19

Jezusi zgjedh dymbëdhjetë Apostujt

(Mt 10, 1‑4; Mk 3, 13‑19)

¹² Ndër ato ditë Jezusi shkoi në një mal për t’u lutur. Natën e kaloi duke iu lutur Hyjit. ¹³ Kur zbardhi drita, i thirri nxënësit e vet e prej tyre zgjodhi dymbëdhjetë, të cilët edhe i quajti apostuj: ¹⁴ Simonin, të cilin e quajti edhe Pjetër, Andreun, vëllanë e tij, Jakobin e Gjonin, Filipin e Bartolomeun, ¹⁵ Mateun, e Tomën, Jakobin e Alfeut, Simonin që quhej Zelltar, ¹⁶ Judën e Jakobit edhe Judën Iskariot, i cili u bë tradhtar.

Shërbim popullit

(Mt 4, 23‑25)

¹⁷ Pastaj zbriti bashkë me ta e zuri vend në rrafshinë. Ishte aty një shumicë e madhe nxënësish të tij dhe një turmë e madhe e popullit prej mbarë Judesë, prej Jerusalemit dhe prej bregut të detit të Tirit e të Sidonit, ¹⁸ që kishin ardhur për ta dëgjuar e për t’u shëruar prej sëmundjeve të veta. Shëroheshin edhe ata që i mundonin shpirtrat e ndytë. ¹⁹ Të gjithë këta njerëz kërkonin ta preknin, sepse prej tij dilte një fuqi që shëronte gjithkënd.

Kush nuk është kundër nesh, është me ne - E Mërkurë 26 Shkurt 2014

Leximi i parë: Jakobi 4:13-17

Psalm: Psalm 49:2-3, 6-11

UNGJILLI: MARKU 9:38-40

---

Leximi i parë: Jakobi 4:13-17

Qortimi rreth vetëlavdërimit

13 Hë pra, ju që thoni: "Sot ose nesër do të shkojmë në këtë apo në atë qytet, do të kalojmë atje një vit, do të tregtojmë e do të fitojmë", 

14 ju që nuk dini as çka do të ndodhë nesër! Po çka është jeta juaj? Është avull që duket për një moment dhe zhduket menjëherë! 

15 Në vend që të thoni: "Në dashtë Zoti do të jetojmë dhe do të bëjmë këtë ose atë gjë!"

16 E tani mburreni me krenarinë tuaj. Çdo mburrje e tillë është punë e keqe. 

17 Kush, pra, di të bëjë mirë dhe nuk bën, - bën mëkat. 

Psalm: Psalm 49:2-3, 6-11

² Dëgjoni këto, o popuj të gjithë,

dëgjoni të gjithë banorët e tokës:

3 vegjëli e bujarë,

të pasur e të vobektë së bashku:

⁶ Përse të trembem në ditë të këqija,

kur të më rrethojë paudhësia që më vë pritë?

7 Ata shpresojnë në pasuritë e veta

mburren me kamjen e madhe të veten.

8 E pra, njeriu s’është i zoti ta shpërblejë vetveten,

askush s’mund t’ia paguajë Hyjit shpërblimin:

9 çmimi i jetës është tepër i shtrenjtë

dhe askurrë nuk mund të paguhet,

10 që njeriu të jetojë gjithmonë

e të mos e shohë gropën e varrit.

11 Por do t’i shohë duke vdekur të dijshmit:

vdes i marri, vdes i patenzoni:

të tjerëve ua lënë pasuritë e veta!

UNGJILLI: MARKU 9:38-40

Kush nuk është kundër nesh, është me ne

(Lk 9, 49‑50)

38 Gjoni i tha:

“Mësues, pamë një njeri që i dëbonte djajtë në Emrin tënd. Ne ia ndaluam, sepse ai nuk na ndiqte.”

39 Jezusi i tha:

“Mos ia ndaloni! Sepse s’ka njeri që të mund të bëjë mbrekulli në Emrin Tim e menjëherë pastaj të flasë keq për Mua.  

40 Kush nuk është kundër nesh, është me ne.

---

Gjithkush argumenton në favor të virtytit që ai e praktikon me lehtësi, dhe i egzagjeron vështirësitë e virtyteve që janë në kundërshtim me atë.

-- Shën. Francis de Sales, ‘Dashuria e Zotit’

Kush dëshiron të jetë i pari, le të bëhet i fundit i të gjithëve - E Martë 25 Shkurt 2014

Leximi i parë: Jakobi 4:1-10

Psalm: Psalm 55:7-11, 23

UNGJILLI: MARKU 9:30-37

---

Leximi i parë: Jakobi 4:1-10

¹ Nga vijnë ngatërresat dhe grindjet që vlojnë ndër ju? A thua jo këndej: nga lakmimet tuaja që luftojnë në gjymtyrët tuaja? 

2 Dëshironi e nuk keni; vritni e keni smirë, dhe gjë nuk fitoni; grindeni e luftoni. Nuk keni sepse nuk luteni. 

3 Luteni e nuk fitoni, pse luteni keq që t’i shpenzoni në plotësimin e ëndjeve tuaja.

4 Njerëz të pabesë! A nuk e dini se miqësia me botën është armiqësi me Hyjin? Kushdo, prandaj, do të jetë mik me botën, shndërrohet në armik me Hyjin. 

5 Apo ndoshta mendoni se Shkrimi i shenjtë thotë kot: »Me xhelozi e dëshiron shpirtin që e vendosi në ne?«

6 Por Ai jep hir edhe më të madh, prandaj thotë: »Hyji u kundërshton krenarëve, kurse të përvujtëve përvuajturve u jep hirin. 

7 Nënshtrohuni, pra, Hyjit! Kundërshtojini djallit dhe do të largohet prej jush! 

8 Afrohuni Hyjit edhe Ai do t’iu afrohet juve! Pastroni duart, o mëkatarë! Pastroni zemrat, o njerëz dy mendjesh! 

9 Ofshani, vajtoni, bëni gjëmë! Gëzimi juaj le të kthehet në trishtim! 

10 Përuluni para Hyjit dhe Ai do t’iu lartësojë!

Psalm: Psalm 55:7-11, 23

⁷ Thashë: “Kush do të më japë krahë porsi pëllumbit

për të fluturuar e për të gjetur pushim?

8 Larg, larg do të fluturoja,

në shkretëtirë do të banoja.

9 Do ta prisja atë që më shpëton

nga furia e erës dhe e stuhisë”.

10 Shpërndaji, o Zot, pështjelloju gjuhët,

sepse shoh dhunë e grindje në qytet.

11 Ditën, natën qarkullojnë mbi mure,

²³ Lëshoja kujdesin tënd Zotit

e Ai do të të japë fuqi:

kurrë s’do të lejojë të bjerë poshtë i drejti.

UNGJILLI: MARKU 9:30-37

Jezusi përsëri paralajmëron vdekjen dhe ngjalljen e vet

(Mt 17, 22‑23; Lk 9, 43b‑45)

30 Si u nisën prej andej, kaluan nëpër Galile, por nuk donte ta dinte kush, 

31sepse i mësonte nxënësit e vet.

U thoshte:

“Biri i njeriut do t’u dorëzohet njerëzve e ata do ta vrasin, por kur ta kenë vrarë, ai do të ngjallet pas tri ditësh”

32 Ata nuk e morën vesh këtë fjalë e kishin frikë ta pyesinin.

Kush është më i madhi

(Mt 18, 1‑5; Lk 9, 46‑48)

33 Arritën në Kafarnaum. Si hyri në shtëpi, i pyeti:

“Mbi çfarë biseduat rrugës?”

34 Ata nuk bënë zë, sepse udhës kishin biseduar kush ishte më i madhi. 

35 Jezusi u ul, i thirri rreth vetes të Dymbëdhjetët e u tha:

“Kush dëshiron të jetë i pari, le të bëhet i fundit i të gjithëve dhe shërbëtori i të gjithëve.”

36 Pastaj mori një fëmijë të vogël, e vuri në mes të tyre, e pëqafoi dhe u tha:

37 “Kush e pranon një vogëlush si ky në Emrin Tim, më pranon Mua; e kush më pranon Mua, nuk më pranon Mua, por Atë që më dërgoi Mua.”

---

Ata që jetuan sipas urdhërit të vjetër të gjërave kanë arritur një shpresë të re, ku nuk e mbajnë më të Sabatin, por Ditën e Zotit, në të cilën jeta jonë është e bekuar prej Tij dhe prej vdekjes së Tij.

-- Shën. Ignatius i Antiokës

Ata shkuan dhe u predikuan njerëzve kthimin tek Hyji - E Enjte 6 Shkurt 2014

Leximi i parë: 1 i Mbretërve 2:1-4, 10-12

Psalm: 1 i Kronikave 29:10-12

UNGJILLI: MARKU 6:7-13

---

Leximi i parë: 1 i Mbretërve 2:1-4, 10-12

¹ Kur iu afrua dita e vdekjes, Davidi i urdhëroi birit të vet Salomonit. I tha: 

2 “Unë po nisem për rrugën që do ta bëjnë të gjithë njerëzit mbi tokë. Ji i fortë dhe ji njeri! 

3 Mbaji urdhërimet e Zotit, Hyjit tënd! Ec udhëve të tija! Mbaji ligjet e tija, urdhërimet e tija, porositë dhe dëshmitë ashtu siç shkruan në Ligjin e Moisiut që të të shkojë mbarë gjithçka të ndërmarrësh, kudo që të sillesh, 

4 që Zoti ta çojë në vend fjalën që e ka folur kur m’u zotua: ‘Nëse bijtë e tu në jetën e tyre do të kujdesen që të ecin në praninë time me besnikëri me gjithë mend e zemër, mbi fronin e Izraelit do të rrijë gjithmonë njëri prej pasardhësve të tu’.

¹⁰ Kështu, pra, Davidi pushoi me etërit e vet dhe qe varrosur në Qytetin e Davidit. 

11 Mbretërimi i Davidit mbi Izraelin zgjati dyzet vjet: në Hebron mbretëroi shtatë vjet, kurse në Jerusalem tridhjetë e tri vjet.

¹² Salomoni ndenji në fronin e Davidit, babait të vet, dhe mbretëria e tij erdhi e u forcua shumë.

Psalm: 1 i Kronikave 29:10-12

¹⁰Pastaj Davidi e bekoi Zotin para mbarë bashkësisë dhe tha: 
“I bekuar je, o Zot, Hyji i Izraelit, atit tonë, prej amshimit e në amshim!

11 Ty, o Zot, të përket madhëria e pushtetit,

lavdia, shkëlqimi dhe lartëmadhëria!

Sepse gjithçka në qiell e në tokë, janë të tuat!

Ty, o Zot, të përket mbretëria,

ti lartësohesh si kokën përmbi çdo gjë!

12 Prej teje vjen pasuria dhe lavdia,

ti zotëron me gjithçka!

Në dorën tënde fuqia dhe pushteti.

Ti mund të bësh gjithçka të madhërishme e të qëndrueshme!

UNGJILLI: MARKU 6:7-13

Dërgimi i të Dymbëdhjetëve

(Mt 10. 1. 5‑15; Lk 9, 1‑6)

Kështu doli e mësonte nëpër fshatra përreth.

7 Atëherë i thirri të Dymbëdhjetët e nisi t’i dërgojë dy nga dy dhe u dha pushtet mbi shpirtrat e ndytë. 

8 U urdhëroi të mos marrin në udhëtim asgjë tjetër, përveç shkopit: as bukë, as strajcë, as para bakri në brez, 

9 por të mbathin vetëm sandalet e të mos veshin dy palë petka.

10 Dhe u thoshte:

“Kudo që të hyni në ndonjë shtëpi, rrini aty derisa të largoheni nga ai vend. 

11Po qe se ndokund nuk ju pranojnë dhe nuk ju dëgjojnë, dilni dhe shkundni pluhurin nga këmbët tuaja si dëshmi kundër tyre.”

12 Ata shkuan dhe u predikuan njerëzve kthimin tek Hyji. 

13 Dëbonin shumë djaj, lyenin me vaj shumë të sëmurë dhe i shëronin.

---

Kushdo që ju kërkon njerëzve të tjerë të bëjnë gjënë e duhur, por që jep një shëmbull të keq duke vepruar në mënyrë të kundërt, është si një endës që e thur fillin shpejt me një dorë dhe që e shthur fillin po aq shpejt me dorën tjetër.

-- Shën. Tomas More

Predikoni: ‘Mbretëria e qiellit është afër' - E Shtune 7 Dhjetor 2013

Leximi i parë: Isaia 30:19-21, 23-26

Psalm: Psalm 147:1-6

UNGJILLI: MATEU 9:35 -- 10:1, 5-8

---

Leximi i parë: Isaia 30:19-21, 23-26

¹⁹ Sepse, popull i Sionit, që banon në Jerusalem, askurrë më nuk do të qash mëshirë do të ketë posa të kërkosh ndihmë, porsa të dëgjosh Ai do të të japë ndihmë.

20 Edhe Zoti do t’ju japë bukën e ngushticës, ujët e mjerimit, porse Mësuesi prej teje s’do të fshihet, sytë e tu do ta shohin Mësuesin tënd,

21 veshët e tu do të dëgjojnë fjalën që qortuesi do të të thotë pas shpine:

‘Kjo është udha, andej bijini!’ nëse mënjanoheni djathtas o majtas.

²³ Atëherë ai do të japë shi për farën tënde që të kesh mbjellë nëpër ara,

edhe buka që do të japë toka e shumtë do të jetë edhe e ushqyeshme

Gjëja jote atë ditë do të kullotë: anembanë nëpër kullota të gjera,

24 qe e gomarë që punojnë tokën do të hanë tagji të kripur

të hedhur me lopatë e terplote.

25 E do të jenë mbi çdo mal të lartë e mbi çdo kodër të lartësuar

përrenj që rrjedhin me ujë vrullshëm ditën e vrasjes me shumicë,

kur për tokë të bien kullat.

26 Drita e hënës do të ndriçojë si drita e diellit, drita e diellit do të jetë më e fortë shtatë herë, porsi drita e shtatë ditëve ‑ ditën, kur Zoti

t’ia lidhë varrën popullit të vet, do t’ia shërojë plagën që vetë ia dha.

Psalm: Psalm 147:1-6

1	Lëvdoni Zotin, sepse është një gjë e mirë t`i këndosh lavde Perëndisë tonë, sepse është e kënaqshme dhe e leverdishme ta lëvdosh.
2	Zoti ndërton Jeruzalemin, dhe mbledh të humburit e Izraelit.
3	Ai shëron ata që e kanë zemrën të thyer dhe lidh plagët e tyre.
4	Llogarit numrin e yjeve dhe i thërret të gjitha sipas emrit të tyre.
5	I madh është Zoti ynë, e pamasë është fuqia e tij dhe e pafund zgjuarësia e tij.
6	Zoti larton njerëzit e përulur, por ul deri në tokë njerëzit e këqij.

UNGJILLI: MATEU 9:35 -- 10:1, 5-8

Dhembshuria e Jezusit për popullin

35 Kështu Jezusi qarkullonte nëpër të gjitha qytetet e fshatrat. Mësonte në sinagogat e tyre: predikonte Ungjillin e Mbretërisë dhe shëronte çdo sëmundje e lëngatë.

36 Kur e pa turmën e popullit, ndjeu dhembshuri për të, sepse ishte e nëpërkëmbur dhe e lënë pasdore si delet pa bari. 

37 Atëherë u tha nxënësve të vet:

“Të korrat janë të mëdha, kurse punëtorë ka pak. 

38 Lutjuni, pra Zotërisë së të korrave, të dërgojë korrtarë në të korrat e veta.”

¹ Pastaj Jezusi i mblodhi rreth vetes dymbëdhjetë nxënësit e vet e u dha pushtetin të mund të dëbonin shpirtrat e ndytë dhe të mund të shëronin çdo sëmundje e lëngatë.

Dërgimi i të Dymbëdhjetëve

(Mk 6, 7‑13; Lk 9, 1‑6)

5 Pikërisht këta të Dymbëdhjetët Jezusi i dërgoi dhe i urdhëroi:

“Mos shkoni ndër paganë as mos hyni në asnjë qytet të samaritanëve! 

6 Por shkoni më mirë te delet e humbura të shtëpisë së Izraelit. 

7 Gjatë udhëtimit predikoni: ‘Mbretëria e qiellit është afër!’ 

8 Shëroni të sëmurit, ngjallni të vdekurit, pastroni të gërbulurit, dëboni djajtë! Falas morët, falas edhe jepni! 

I thirri nxënësit e vet e prej tyre zgjodhi dymbëdhjetë - E Marte 10 Shtator 2013

Leximi i parë: Kolosianëve 2:6-15

Psalm: Psalm 145:1-2, 8-11

UNGJILLI: LUKA 6:12-19

---

Leximi i parë: Kolosianëve 2:6-15

⁶ Siç e pranuat Jezu Krishtin Zot, ashtu edhe vazhdoni të jetoni në Të: 
7 të rrënjosur, vazhdimisht të mbimuruar në të dhe të fortë në fe sikurse qetë mësuar, gjithherë përplot me falënderim. 
8 Ruajuni të mos ju gënjejë kush me anë të “filozofisë” ‑ me stërhollime të kota, që bazohen në thashethemet njerëzore, në “elementet e botës” e jo në Krishtin. 
9 Dhe, pasi në Krishtin banon trupërisht e tërë plotësia hyjnore, kështu edhe ju jeni 
10 të mbushur me anë të Tij. Ai është Kryet e çdo Principate e Pushteti.

11 Në të jeni edhe të rrethprerë, por me një rrethprerje që s’është bërë me dorë njeriu ‑ u zhveshët nga trupi i mëkatit ‑ me anë të rrethprerjes së Krishtit.
12 Të varrosur bashkë me Të në pagëzim, bashkë me Të edhe u ngjallët në saje të fesë, me të cilën besuat në fuqinë e Hyjit që e ngjalli nga të vdekurit.
13 Edhe juve që ishit të vdekur për shkak të fajeve tuaja dhe të parrethprerjes së trupit tuaj, Hyji ju ngjalli bashkë me Të. Ai mirësisht na i fali të gjitha fajet tona,

14 Ai e zhvleftësoi dëftesën paditëse që, në saje të urdhërimeve, ishte kundër nesh, e bëri të zhduket, e mbërtheu në kryq.

15 I çarmatosi Principatat dhe Pushtetet ‑ e dëftoi këtë botërisht ‑

dhe i tërhoqi zvarrë në kalimin ngadhënjyes të Kryqit!

Psalm: Psalm 145:1-2, 8-11

1. Unë do të të përlëvdoj, o Perëndia im dhe Mbreti im, dhe do të bekoj emrin tënd përjetë.

2. Do të të bekoj çdo ditë dhe do të lëvdoj emrin tënd përjetë.

8. Zoti është i dhemshur dhe mëshirplot, i ngadalshëm në zemërim dhe i madh në mirësi.

9. Zoti është i mirë me të gjithë dhe plot dhemshuri për të gjitha veprat e tij.

10. Tërë veprat e tua do të të kremtojnë, o Zot, dhe shenjtorët e tu do të të bekojnë.

11. Ata do të flasin për lavdinë e mbretërisë sate dhe do të tregojnë për fuqinë tënde.

UNGJILLI: LUKA 6:12-19

Jezusi zgjedh dymbëdhjetë Apostujt

(Mt 10, 1‑4; Mk 3, 13‑19)

12 Ndër ato ditë Jezusi shkoi në një mal për t’u lutur. Natën e kaloi duke iu lutur Hyjit. 
13 Kur zbardhi drita, i thirri nxënësit e vet e prej tyre zgjodhi dymbëdhjetë, të cilët edhe i quajti apostuj: 
14 Simonin, të cilin e quajti edhe Pjetër, Andreun, vëllanë e tij, Jakobin e Gjonin, Filipin e Bartolomeun, 
15 Mateun, e Tomën, Jakobin e Alfeut, Simonin që quhej Zelltar, 
16 Judën e Jakobit edhe Judën Iskariot, i cili u bë tradhtar.

Shërbim popullit

(Mt 4, 23‑25)

17 Pastaj zbriti bashkë me ta e zuri vend në rrafshinë. Ishte aty një shumicë e madhe nxënësish të tij dhe një turmë e madhe e popullit prej mbarë Judesë, prej Jerusalemit dhe prej bregut të detit të Tirit e të Sidonit, 
18 që kishin ardhur për ta dëgjuar e për t’u shëruar prej sëmundjeve të veta. Shëroheshin edhe ata që i mundonin shpirtrat e ndytë. 
19 Të gjithë këta njerëz kërkonin ta preknin, sepse prej tij dilte një fuqi që shëronte gjithkënd.

---

Hapi i parë i përulësisë është bindja e pahezitueshme, e cila vjen natyrshëm tek ata që e duan Krishtin mbi gjithçka.

-- Shën. Benedikti (Rregulli i Shën. Benediktit 5:1-2)